දසත හමන මුදු සුළඟට පවා නොදැනුනත්
නුඹගෙ සුවඳ මා සමගයි සදා තනිවුනත්
සුසුම දවන නෙත් කඳුලැලි පවා හිනැහුනත්
නොමැත මතක හැර යන්නේ ඔයා හැරගියත්
කොණක කැලැල් නෙත අබියස තියා වැළපුනත්
අහිතක් නෑ සංසාරෙක සදා තනිකලත්
වියරු වැටුන දෛවය දෙදෙ..නාව වෙන්කලත්
නවතින් නෑ මතු සසරෙත් සොයා එමි යලිත්
නුහුරු හැඟුම් අවපස සඳ සේම බැස ගියත්
උදා ගිරේ හිරු අවරට නොබැසලා ගියත්
අහස පොලොව ක්ෂිජ ඉමේ සේදිලා ගියත්
මට අමතක වෙන්නෙම නෑ ඔයා දුර ගියත්..
No comments:
Post a Comment