උඹවම පපුවෙ තියාගෙන මං විඳින කරුමයක්

කණාමැදිරියන් ගෙයි වහල බදාගෙන
කන්දොස්කිරියාවෙන් දුවන ටිකි ටිකිය
දෑස වැහෙන්න නොදෙන කඳුළු ගඟත් එක්කම
උඹවම පපුවෙ තියාගෙන මං විඳින කරුමයක්

කොයි වෙලෙත් ඇතුලෙන්ම හොයද්දි හේතුවක්
මියෙන්නට පවා හිතෙයි නෝක්කාඩු කෝටියක්
පිටතින්ම විතරක් පහුරු ගගා හොයන්නේ ඕපයක්
පපුවෙනුත් අහලා බලාපන් නැද්ද කියලා ස්නේහයක්

වීදි පුරාම කරක් ගහගෙන ඉන්න හිටිය නම්
පහයක් හයක් දපනේ දාගෙන රහ බැලුව නම්
මුනින් අතට නොනිදා සෘංගාරේ වින්දා නම්
උඹටත් වටියි මං නේද එහෙම හිටියා නම්

හුස්ම පොදක් හෙලද්දි එන වේදනා කෝටියක්
නහර පුරාම ඇදෙන්නේ මට උඹව ඕනිකමක්
නොදැනෙන්න මං කරන්න ඇති පව් මහ මෙහරක්
මැරෙන්නද කියන්නේ ඔච්චරම ඇයි වෛරයක්